Haxhinjtë janë përcjellë në aeroportin “Nënë Tereza” në Rinas nga familjarët e tyre, si dhe nga besimtarë të shumtë.
Grupi i parë i besimtarëve muslimanë nga Shqipëria janë nisur drejt tokave të shenjta për të kryer Haxhin, raporton Anadolu Agency (AA). Haxhinjtë janë përcjellë në aeroportin “Nënë Tereza” në Rinas nga familjarët e tyre, si dhe nga besimtarë të shumtë.
Në grupin e parë kanë udhëtuar rreth 215 besimtarë, të cilët fillimisht do të ndalojnë në Xhide të Arabisë Saudite. Tomorr Shehu, njëri nga besimtarët për AA tha se është i lumtur që po udhëton drejt tokave të shenjta për të kryer Haxhin.
“Kjo është hera e parë që shkoj për Haxh dhe jam shumë i gëzuar. Shpresoj ta kryejmë me sukses. Uroj që gjithë besimtarët muslimanë ta kryejnë Haxhin”, tha ai.
Saimir Kondi, është një tjetër besimtar nga Shqipëria i cili është nisur për të kryer Haxhin për herë të parë. Ai tha se shpreson që ky udhëtim të shërbejë për të forcuar besimin. “Ndihem shumë i emocionuar dhe uroj që çdo besimtar musliman ta kryej sa më mirë Haxhin”, tha Kondi.
Edhe këtë vit bashkë me besimtarët nga Shqipëria, udhëtojnë edhe besimtarët nga Mali i Zi, ku në total janë 470.
Kush është Hashem Safieddine, udhëheqësi i ri i mundshëm i H...
Aksident në Delvinë, automjeti përmbyset në rrugë
Nipi i Luan Krasniqi, Ardiani, fiton me nokaut në raundin e ...
Ditët me diell nxisin lëvizjen e qytetarëve të Kosovës drejt...
Netanyahu: Vrasja e Nasrallahut ishte hap i domosdoshëm
Osasuna fiton me ‘poker’ golash ndaj Barcelonës – humbja e p...