James kishte thënë në një intervistë se presidenti Trump ishte përçarës dhe kishte inkurajuar racistët.

Në përgjigje, Trump vuri në dyshim inteligjencën e James, duke thënë se nuk ishte e lehtë për ta bërë lojtarin NBA “të duket i zgjuar”.

Megjithatë, zëdhënësja e Melanie tha se James ishte “duke punuar për të bërë gjëra të mira” me një shkollë në qytetin e tij Ohio.

Ajo tha se zonja Trump donte “të kishte një dialog të hapur mbi çështjet me të cilat përballeshin fëmijët”.

Më parë këtë javë, James i tha CNN-it gjatë një interviste me Don Lemon se sporti i kishte ofruar atij mundësinë për të takuar njerëz me prejardhje të ndryshme dhe racë.

“Sporti nuk ka qenë kurrë diçka që ndan njerëzit. Është gjithmonë diçka që bashkon”, tha ai.

“Ai, presidenti Trump, po na ndan dhe ajo që kam vënë re gjatë muajve të fundit është se ai e ka përdorur sportin për të na ndarë dhe kjo është diçka me të cilën nuk mund të shkoj dakord, sepse e di se sporti ishte hera e parë që isha i barabartë me të bardhët. ”

Ai gjithashtu argumentoi se veprimet e Trump kishin inkurajuar racistët.

Të shtunën, presidenti u përgjigj në Tëitter duke thënë: “Lebron James u intervistua vetëm nga njeriu më i ndrojtur në televizion, Don Lemon.

“Ai e bëri Lebron të duket i zgjuar, gjë që nuk është e lehtë për ta bërë”.

Trump sugjeroi gjithashtu se preferon legjendën e NBA-së Michael Jordan mbi yllin e LA Lakers.

Mbështetja e presidentit të yllit të basketbollit Michael Jordan ishte ndoshta një referencë ndaj debatit të gjatë për atë nëse Jordan ose James është lojtari më i mirë për të gjithë.