Gjermania kthen sërish emigrantin, e dëboi gabimisht

22:18 | 4 Gusht 2018
A. B.

Një azilkërkues nga Neubrandenburgu, i dëbuar në mënyrë të paligjshme, do të kthehet së shpejti në Gjermani, raporton “Der Spiegel”.

I riu, që jetonte në Gjermani që prej vitit 2015, ishte një nga 69 persona, që u deportua në 3 korrik me një avion të posaçëm nga Mynihu në Afganistan.

Dy javë më vonë u mësua që 20 vjeçarin nuk duhej ta kishin dëbuar, për shkak të një procesi gjyqësor në vazhdim e sipër në Gjykatën Administrative Greifswald.

Ai kishte hedhur në gjyq refuzimin e kërkesës së tij për azil, e një javë pas dëbimit, refugjati duhet të kishte dalë para gjyqit.

Që prej dy javësh, Ministria Federale e Punëve të Brendshme bëri të ditur se Zyra Federale për Migrimin dhe Refugjatët (BAMF) do të niste së shpejti hapat e nevojshëm.

Avokatja e burrit, Sonja Steffen reagoi e lehtësuar: “Mua m’u konfirmua që shteti ynë juridik funksionon dhe që gabimi i madh që u bë, tani po korrigjohet”, tha ajo atëherë për NDR.

Shpërndaje në rrjete sociale

Lajmet më të lexuara

Të ngjashme

Foto lajm