Interi i ofron 11.5 milionë euro në sezon superyllit Luka Modric?

12:38 | 3 Gusht 2018
Arbresh Info

Interi thuhet se do t’i ofroj superyllit Luka Modric një kontratë katër vjeçare me një pagë prej 11.5 milionë euro për sezon.

“Nerazzurrët” kanë si shënjestër kryesore mesfushorin e Real Madridit për pjesën e mbetur të merkatos së transferimeve verore, transmeton portali arbresh.info.

Presidenti i ‘Los Blancos’, Florentino Perez mbrëmjen e kaluar deklaroi se nuk do t’i lejojë kapitenit të Kroacisë të largohet për asnjë tarifë më të vogël se shifra astronomike prej 750 milionë euro.

Megjithatë, gazetari Gianluca Di Marzio raporton se pozita e Perezit mund të zbutet kur të takohet sy me sy me Modricin pas këtij vikendi.

Dyshja thuhet se kanë raporte të shkëlqyera dhe një marrëveshje është e mundshme nëse 32-vjeçari shpreh dëshirë të largohet nga Bernabeu./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm