Real Madridi nënshkruan me ish talentin e Barcelonës

15:53 | 2 Gusht 2018
Arbresh Info

Real Madridi ka nënshkruar me talentin 19-vjeçar maroken, Ayoub Abou, nga skuadra spanjolle Getafe.

Abou ka bërë 10 paraqitje te skuadra rezervë e Getafes në UEFA Youth League, duke shënuar një gol dhe duke krijuar një asistim, transmeton portali arbresh.info.

Ai është një mesfushor qendror dhe produkt nga akademia e famshme e Barcelonës.

Agjencia e Abous, Media Base Sport ka konfirmuar se lojtari ka nënshkruar me Real Madridin dhe është larguar nga kampi stërvitës i Getafes për tu nisur në Valdebebas mëngjesin e sotëm (e enjte).

Ai ka nënshkruar një kontratë që e mbanë te ‘Los Blancos’ deri në verën e vitit 2023 dhe Abou pritet të luaj rregullisht për skuadrën e Castillas, por do të stërvitet me skuadrën e parë të klubit gjithashtu./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm