Google ADS

U transferua në Liverpool para dy muajsh, por ende nuk ka marrë numrin zyrtar në fanellë

17:52 | 31 Korrik 2018
Arbresh.info

Në lojën moderne, shumë futbollistë i marrin numrat në fanellë shumë seriozisht, por përforcimi i ri i Liverpoolit, Fabinho ende nuk e ka një të tillë.

Mesfushori brazilian iu bashkua Liverpoolit nga Monaco në maj në një marrëveshje në vlerë prej 40 milionë funte.

Por, klubi ende nuk e ka bërë të ditur numrin zyrtar, të cilin Fabinho do ta mbajë për sezonin e ardshëm.

Në turneun para-sezonal në Amerikë, Fabinho ka mbajtur numrin 3, të cilin e ka mbajtur Mamadou Sakho, por Liveprool Echo shkruan se ai nuk do ta mbajë atë në baza permanente.

24-vjeçari e mbajti numrin 2 në fanellë gjatë kohës së tij në Francë, por ky numër aktualisht është i okupuar në Liverpool nga Nathaniel Clyne.

Gjithashtu është spekuluar se ai mund ta marrë numrin 22 në fanellë, të cilin e mban Simon Mignolet. Belgu pritet të largohet nga ”Anfield” këtë verë.

Shpërndaje në rrjete sociale

Lajmet më të lexuara

Të ngjashme

Foto lajm