Google ADS

Arrestohet në Bruksel i dyshuari për vrasjen e Ermal Kamberajt

14:45 | 31 Korrik 2018
Arbresh.info

Policia e Kosovës ka konfirmuar se është arrestuar në Belgjikë një burrë i dyshuar për vrasje.

Për Koha.net zëdhënësi i Policisë së Kosovës, Daut Hoxha ka konfirmuar se i dyshuari me inicialet S.B është arrestuar në Bruksel. Ai ishte i shpallur nga drejtësia kosovare si person në kërkim për vrasjen e E.K në Mitrovicë.

“Autoritetet policore të Republikës së Kosovës janë njoftuar nga autoritetet belge, se është arrestuar në Bruksel (S. B.), person i shpallur në kërkim nga drejtësia kosovare për vrasjen e (E. K.) në Mitrovicë”, ka thënë Hoxha.

Ai shton se Policia e Kosovës përmes një bashkëpunimi profesional, ka qenë në kontakt të vazhdueshëm me autoritetet belge lidhur me rastin dhe pas shkëmbimit intensiv të informacioneve ka rezultuar me arrestimin e tij, për të vazhduar me procedura të tjera.

Koha.net nga burime mëson se i arrestuari është Sadik Berisha, i cili më 5 maj të vitit të kaluar dyshohet se ka vrarë 24 vjeçarin Ermal Kamberajn.

Shpërndaje në rrjete sociale

Lajmet më të lexuara

Të ngjashme

Foto lajm