Sot është bërë përurimi i rrugës, Bare- Gumnishtë, e cila lidhë rajonin e Shalës së Bajgorës me Komunën e Vushtrrisë.
Në këtë përurim morën pjesë ministri i Infrastrukturës, Pal Lekaj, kryetari i Komunës së Vushtrrisë, Xhafer Tahiri dhe kryetari i Komunës së Mitrovicës, Agim Bahtiri.
Ministri Lekaj tha se Ministria e Infrastrukturës është duke bërë punë të mëdha në rregullimin e infrastrukturës rrugore në tërë Republikën e Kosovës.
“Kjo rrugë ka rëndësinë e vet të jashtëzakonshme, sepse krijon mundësi të mëdha qarkullimi të qytetarëve të rajonit të Shalës së Bajgorës me komunat Mitrovicë dhe Vushtrri. Tani qytetarët e këtij rajoni nuk kanë arsye të largohen nga trojet e tyre. Përkundrazi, ata duhet të qëndrojnë aty dhe të merren me punë të bujqësisë e blegtorisë, si dhe të zhvillojnë degën e turizmit, pasi që rajoni është jashtëzakonisht i përshtatshëm për këtë”, tha Lekaj.
Ndërsa kryetari i Komunës së Mitrovicës, Agim Bahtiri është shprehur i bindur se turizmi në këtë rajon tani e tutje do të ketë nxitje më të mëdha dhe se do të ketë projekte të shumta që do të realizohen.
I kënaqur për investimin në infrastrukturën rrugore ëshë shprehur edhe kryetari i Komunës së Vushtrrisë, Xhafer Tahiri, i cili tha se investimet e tilla përveç që ndalojnë migrimet e qytetarëve, mundësojnë dhe zhvillim më të hovshëm ekonomik dhe mundësi për mirëqenie më të mirë të qytetarëve.
Për rregullimin e kësaj rruge janë investuar 400 mijë euro nga Ministria e Infrastrukturës, komuna e Vushtrrisë dhe komuna e Mitrovicës.
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...