Google ADS

Policia jep detaje për vrasjen në Krushë të Vogël

09:23 | 27 Korrik 2018
M. A.

Vrasja e djeshme që ndodhi në Krushë të Vogël ka tronditur të gjithë Kosovën.

Policia përmes raportit 24-orësh ka sqaruar se vrasja ka ndodhur rreth orës 06:30 në mëngjes, në rrethana të panjohura është gjendur i vrarë nga arma e zjarrit viktima mashkull K/Shqiptar.

“Në vend të ngjarjes kanë dalë njësitë relevante dhe nga ekipi mjekësor është konstatuar se viktima nuk ka shenja jete”, thotë policia.

Si prova materiale në vend të ngjarjes janë gjetur dhe sekuestruar 5 gëzhoja dhe 6 fragmente metali.

Me urdhër të prokurorit, trupi i pajetë është dërguar në Institutin e Mjekësisë Ligjore për obduksion.

 

Shpërndaje në rrjete sociale

Lajmet më të lexuara

Të ngjashme

Foto lajm