Google ADS

Drita mposhtet me përmbysje nga kampioni i Luksemburgut

20:31 | 26 Korrik 2018
Arbresh Info

Drita është mposhtur në takimin e zhvilluar sonte (e enjte) kundër Dedelanges.

Kampioni i Kosovës pësoi disfatë me rezultat të ngushtë 2 me 1 në takimin e zhvilluar në kuadër të raundit të dytë kualifikues në Evropa Ligë, shkruan portali arbresh.info.

Edhe pse arritën të kalonin të parët në epërsi duke zhbllokuar rezultatin në minutat shtesë të pjesës së parë përmes Shabanit, kampioni i Luksemburgut përmbysi rezultatin në pjesën e dytë.

Vetëm gjashtë minuta pas një ore lojë në Stade Jos Nosbaum, Perez shënoi për 1 me 1.

Goli i dytë u realizua në minutën e 81′ nga penaltia që u ekzekutua nga Turpel.

Klubi gjilanas mbeti me dhjetë lojtarë në fushë në dhjetë minutat e fundit të ndeshjes pas ndëshkimit të Edrit Krasniqit me dy kartonë të verdhë.

Ndeshja e ardhshme zhvillohet në “Adem Jashari” të Mitrovicës javën e ardhshme./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm