Google ADS

Pacolli merr pjesë në ministerialin për avancimin e Lirive Fetare në Uashington, pritet t’i adresohet me një fjalim

18:55 | 26 Korrik 2018
Arbresh.info

Kryediplomati kosovar, Behgjet Pacolli, në orët e pasditës pritet t’i adresohet me një fjalim dhjetëra përfaqësuesve të lartë nga vende të ndryshme, përfshirë Ministra të Jashtëm, ata nga Organizatat Ndërkombëtare, prijësve fetar dhe përfaqësuesve nga shoqëria civile, të cilat janë mbledhur për të diskutuar sfidat, identifikojë rrugët konkrete për të luftuar persekutimet fetare, diskriminimin dhe për të siguruar respekt më të madh për liritë fetare për të gjithë.

Sipas njoftimit nga Ministria e Punëve të Jashtme thuhet se hapja e Miniterialit për avancimin e Lirive Fetare në botë u bë nga Zëvendës-Presidenti amerikan, Mike Pence dhe Sekretari Amerikan i Shtetit, Mike Pompeo.

Në margjina të këtij ministeriali numri dy i Qeverisë , Pacolli, pritet të takojë dhjetëra homologë të tij nga shtete të ndryshme, që po marrin pjesë në këtë ngjarje, ndërkohë do të ketë takime të ndara edhe me përfaqësues të lartë nga ShBA.

Shpërndaje në rrjete sociale

Lajmet më të lexuara

Të ngjashme

Foto lajm