Shpirti i Hitlerit po ngrihet mes zyrtarëve izraelitë”. Kështu është shprehur presidenti turk, Recep Tayip Erdogan ndërkohë që kryeministri i Izraelit, Benjamin Natanjahu tha se Turqia po kalonte në një diktaturë të errët, në kuadër të një përplasjeje mes dy fuqive rajonale në lidhje me ligjin e ri që e përcakton Izraelin si shtet hebre.
Në një takim me ligjvënësit nga partia e tij drejtësi dhe zhvillim, Erdogan dënoi ligjin për shtetin komb të miratuar në parlamentin izraelit javën e kaluar, që sipas tij, pasqyron fiksimin e Hitlerit me pastërtinë e racës ariane.
“Ky ligj, është prova se pa dyshim, Izraeli është shteti më zionist, fashist dhe racist në botë”, tha Erdogan. “Qëllimi i administratës izraelite për të identifikuar ato toka të lashta, si prona vetëm të hebrenjve, nuk është aspak i ndryshëm nga obsesioni i Hitlerit me racën ariane”, shtoi ai.
“Shpirti i Hitlerit, që e zhyti botën në një katastrofë gjigande, është ngritur edhe një herë mes disa zyrtarëve izraelitë”.
Natanjahu u kundërpërgjigj në mediat sociale duke e përshkruar Turqinë e Erdoganit si një diktaturë të errët. “Erdogan po masakron sirianët dhe kurdët dhe ka burgosur me dhjetëra e mijëra qytetarë të tij. Fakti që demokrati i madh Erdogan po sulmon ligjin e shtetit komb, është komplimenti më i madh për të. Turqia nën sundimin e Erdoganit po bëhet një diktaturë e zymtë, ndërsa Izraeli i ka garantuar të drejta të barabarta të gjithë qytetarëve të tij, para dhe pas këtij ligji”, tha Natanjahu.
Lufta e deklaratave është përshkallëzuar akoma më shumë pasi një ndihmës kryesor i Erdoganit dhe zëdhënës i presidencës, e cilësoi Natanjahun si kryeministrin e një shteti zionist aparteid, që nuk ka autoritet moral ti japë leksione presidentit turk. Çarja më e fundit vjen në vazhdë të një serie krizash diplomatike mes dy vendeve, marrëdhëniet e të cilëve janë përkeqësuar në lidhje me trajtimin e palestinezëve nga Izraeli dhe roli i adoptuar nga Erdogani si lider i kauzave globale myslimane.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite