Vendimi i BE për të detyruar Google të veçojë aplikacionet e saj të Chrome dhe aplikacioneve tjera të kërkimit nga Android mund të ketë disa implikime për të ardhmen e modelit të lirë të biznesit të Android.

Në një postim në blog që mbron vendimin e Google për të paketuar aplikacionet e kërkimeve dhe të Chrome në Android, CEO i Google, Sundar Pichai përshkruan reagimin e kompanisë ndaj gjobës prej 5 miliardë dollarësh të BE. Pichai thekson faktin se një përdorues tipik i Android do të “instalojë vetë rreth 50 aplikacione” dhe mund të heqë lehtësisht aplikacionet e paracaktuara. Por nëse Google është penguar nga paketimi i aplikacioneve të veta, kjo do të çrregullonte ekosistemin e Android, përcjell arbresh.info.

“Nëse prodhuesit e telefonave dhe operatorët e rrjeteve celulare nuk mund të përfshijnë aplikacionet tona në gamën e gjerë të pajisjeve të tyre, kjo do të çrregullonte bilancin e ekosistemit Android,” shpjegon Pichai, duke shmangur me kujdes faktin se prodhuesit e telefonave nuk do të detyrohen më t’i përfshijnë këto aplikacione por ende mund të zgjedhin ta bëjnë këtë. Pichai pastaj lë të kuptohet se modeli i lirë i biznesit Android është mbështetur në këtë përfshirje apo pako të aplikacioneve. “Deri më tani, modeli i biznesit të Android ka nënkuptuar që ne nuk kemi dashur të ngarkojmë prodhuesit e smartfonëve për teknologjinë tonë, ose të varemi nga një model fort të kontrolluar të distribuimit”, thotë Pichai. “Por ne jemi të shqetësuar se vendimi i sotëm do të çrregullojë ekuilibrin e kujdesshëm që kemi ndërtuar me Android, dhe se ai dërgon një sinjal shqetësues në favor të sistemeve pronësore mbi platformat e hapura”.

Pikëpamja delikate e Pichai për një “ekuilibër të kujdesshëm” të modelit të biznesit të Android do të shihet si një kërcënim për konsumatorët, prodhuesit e smartfonëve dhe Komisionin Evropian. BE nuk ka bërë asnjë sugjerim se si Google duhet të zgjidhë saktësisht shkeljet e saj për këtë përfshirje të aplikacioneve. Por është e qartë se nëse prodhuesit e telefonëve mund të kompletojnë shfletuesit e tyre në vend të Chrome, atëherë kjo mund të ketë implikime në të ardhurat e reklamave mobile të Google, që përbën më shumë se 50 përqind të të ardhurave neto të reklamimit digjital të kompanisë.

Google po paralajmëron se modeli i saj i biznesit të Android tani mund të ndryshojë, dhe kjo mund të nënkuptojë se kompania do të duhet të marrë në shqyrtim licencimin e Android për prodhuesit e smartfonëve. Është një skenar i vështirë që mbështetet tek konsumatorët që nuk kërkojnë Chrome ose makinë e kërkimit Google në sistemin Android pas ndarjes së Google. Duke pasur parasysh dominimin e Google në kërkim dhe shfletuesve dhe popullaritetin e shumë shërbimeve të tij në internet, paralajmërimi i Pichai duket më shumë si një mashtrim në gjykatë për opinionin publik sesa një kërcënim i vërtetë se Android nuk do të jetë më  pa pagesë./Arbresh.info