Google ADS

Cristiano Ronaldo nuk do të luaj kundër Real Madridit

18:46 | 18 Korrik 2018
Arbresh Info

Cristiano Ronaldo thuhet se duhet të pres një kohë për tu përballur me ish bashkëlojtarët e tij te Real Madridi pasi superylli do të qëndrojë jashtë turneut veror të Juventusit.

Skuadra në Serie A ka finalizuar transferimin e fituesit të pesëfishtë të Topit të Artë për 100 milionë euro pas eliminimit të Portugalisë nga Kampionati Botëror, transmeton portali arbresh.info.

Bazuar në ‘La Gazzetta dello Sport’, Ronaldos i është dhënë leje për të qëndruar jashtë turneut para-sezonal në Shtetet e Bashkuara të Amerikës.

Juventusi do të përballet me Bayern Munichun në Philadelphia më 25 korrik dhe ndaj Benficas në New York më 28 korrik.

Më pas ndaj një skuadre në MLS para përballjes në Washington D.C më 4 gusht kundër Real Madridit.

Tifozët kanë shprehur të shohin 33-vjeçarin në fushë vetëm disa javë pas largimit nga Bernabeu, por kjo nuk do të ndodhë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm