Ministria e Punës dhe Politikës Sociale, përmes Qeverisë, do të propozojë ndryshime dhe plotësime ligjore me të cilat zvogëlohet kufiri i moshës për pensionim të minatorëve. Këtë sot në Makedonska Kamenicë e paralajmëroi ministrja e Punës dhe Politikës Sociale, Milla Carovska në takim me minatorët, menaxhmentin e minierës SASA, një pjesë të Sindikatave dhe kryetaren e komunës Sonja Stamenkova.
“Në pajtueshmëri me premtimin në programin për punë, Ministria e Punës dhe Politikës Sociale përmes Qeverisë përgatiti zgjidhje ligjore me të cilën minatorët do të mund të realizojnë të drejtën e pensionit sipas moshës dhe me mbushjen e 40 viteve stazh pensional për meshkuj, gjegjësisht 35 vite stazh pensional për femrat”, deklaroi pas takimit ministrja Carovska.
Siç informoi Ministria e Punës dhe Politikës Sociale, me propozim-ndryshimet dhe plotësimet e Ligjit për sigurim pensional dhe invalidor u mundësohet të siguruarve të cilët punojnë në vend pune në të cilat stazhi i sigurimit u llogaritet me kohëzgjatje të rritur, t’u zvogëlohet mosha për pensionim në mënyrë proporcionale me kohën e kaluar në punë me stazh të privilegjuar.
Osmani në Akademinë e famshme ushtarake amerikane West Point...
Kryeziu: Qeveria po punon për zhbllokimin e CEFTA-s
Kurti e akuzon Perëndimin se po e “përkëdhel” Serbinë
Tiranë: Gruaja tenton të rrëmbejë 2-vjeçaren, arrestohet
Trepça fiton derbin lokal, Prishtina e Re ‘shkatërron’ Vjosë...
Izraeli nis hetimet pasi ushtarët e tij u filmuan duke hedhu...