Konfiskohet sasi e madhe e armëve në Bërvenicë të Tetovës

18:04 | 13 Korrik 2018
A. B.

Pistoletë, plumba, bomba, mina, granata dhe marihuanë janë mjetet që policia para dy ditëve i ka gjetur në shtëpinë e 52-vjeçarit nga Bërvenica e Tetovës.

Policia njofton se SPB Tetovë ka ngritur padi penale kundër Gj.S, për shkak të dyshimeve për kryerjen e veprës penale “tregti të paligjshme me lëndë narkotike” dhe “armëmbajtje pa leje”, përcjell Telegrafi Maqedoni.

“Më 11 korrik 2018 në periudhën prej 16:50 deri 21:20 nga ana e zyrtarëve policorë është kryer kontroll në shtëpinë e të paditurit dhe janë gjetur dhe konfiskuar pistoletë e kalibrit 7.65 mm, 32 plumba për pistoletë, minë M-60, bomba M-75, granata dhe një mbushës për granata, si dhe 21.31 gram marihuanë”, thuhet në njoftimin e policisë.

Shpërndaje në rrjete sociale

Lajmet më të lexuara

Të ngjashme

Foto lajm