Presidenti i Republikës së Kosovës, Hashim Thaçi ka dekoruar drejtorin e USAID-it James Hope i cili ka përfunduar mandatin e tij katërvjeçar në Kosovë, raporton arbresh.info.
Thaçi ka thënë se populli amerikan ka ndihmuar Kosovën në ditët më të vështira dhe ka ndihmuar në ndërtimin e institucioneve demokratik.
Mes tjerash presidenti ka përmendur edhe kontributin e USAID-it në kohën e pasluftës në vendin tonë.
“Sot me prezencën e ambasadorit Delawie jam i lumtur që kam këtu drejtorin e USAID-it, z. James Hope, i cili po e lë Kosovën pas një pune shumë të madhe dhe shumë të suksesshme në katër vjetët e fundit. Dëshiroj që në emër të institucioneve dhe popullit të Kosovës t’ia shpreh falënderimin e veçantë për kontributin që ka dhënë”, ka deklaruar presidenti Thaçi.
Për kontributin në zhvillimin e institucioneve, për kontributin në ekonomi, bujqësi e arsim, James Hope-it iu është ndarë medalja jubilare e pavarësisë.
I pranishëm në këtë ceremoni ishte edhe ambasadori i Shteteve të Bashkuara, Greg Delawie./Arbresh.info/
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...