Google ADS

Nuk ka oferta për sulmuesin Gonzalo Higuain

23:54 | 11 Korrik 2018
Arbresh Info

Juventusi është i hapur për të shitur sulmuesin Gonzalo Higuain, por ‘Sky Sports Italia’ raporton se ende nuk ka arritur ndonjë ofertë dhe se vetëm Chelsea është i interesuar.

Sulmuesi është transferuar nga Napoli për 94 milionë euro gjatë verës së vitit 2016, transmeton portali arbresh.info. Megjithatë, pozita e tij është në dyshime serioze tani pas arritjes së Cristiano Ronaldos nga Real Madridi.

Bazuar në një raport nga burimi i lartpërmendur, “Zonja e Vjetër” kërkon 60 milionë euro për Higuainin, por ende nuk ka pranuar ndonjë ofertë për të.

Vetëm Chelsea është i interesuar për transferimin e reprezentuesit të Argjentinës, megjithëse ata nuk do të shtrojnë ndonjë ofertë deri sa Maurizio Sarri të emërohet në pozitën e trajnerit.

Ky do të ishte një ribashkim për trajnerin dhe sulmuesin, që kanë punuar së bashku te Napoli./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm