Thaçi nis korrje-shirjet e grurit në Ferizaj duke vozitur vetë kombajën

14:51 | 11 Korrik 2018
Arbresh.info

Presidenti i vendit, Hashim Thaçi ka marrë pjesë sot në fillimin e korrje-shirjeve të grurit në komunën e Ferizajt.

I shoqëruar nga kryetari i kësaj komune Agim Aliu, Thaçi ka nisur korrje-shirjet duke vozitur vetë kombajën, raporton arbresh.info.

Pasi ka korrur një pjesë të tokës më grurë, Thaçi ka deklaruar para mediave se ka dashur të jetë pjesëmarrës në këtë proces për të uruar nga afër të gjithë fermerët.

Ai ka shprehur besimin e plotë se kjo sezonë do të jetë e mbarë pavarësisht reshjeve të shumta ndërkohë që ka premtuar së të dëmtuarit do të dëmtohen nga shtetit.

“Kam besim të plotë se do të jetë një sezonë e mbarë pavarësisht se ka pasur reshje të shumta përsëri shihet një interesim i bujqve dhe fermerëve për t’i korrur rendimentet e tyre. Është shumë me rëndësi që sivjet rendimentet janë të mira, ata që kanë pësuar nga reshjet do të punojmë që tu kompensohen ato dëme”, ka thënë Thaçi./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm