“Drita është skuadër e fortë, nuk ka përfunduar ende asgjë” – Rosler, trajneri i Malmos

23:12 | 10 Korrik 2018
Arbresh Info

Malmo regjistroi fitore mbrëmjen e sotme (e martë) me rezultat të thellë 0 me 3 në takimin e parë kundër Dritës.

Kampioni i Suedisë siguroi fitore me rezultat befasues ndaj “Intelektualëve” duke i mposhtur thellë në takimin e parë të zhvilluar në kuadër të fazës së parë të Ligës së Kampionëve në “Adem Jashari”, shkruan portali arbresh.info.

Por, pavarësisht fitores, Uwe Rosler beson se skuadra e tij duhet të ketë kujdes në takimin e ardhshëm.

“Ndeshje e vështirë, Drita ishte e fortë, dhanë gjithçka”, ka thënë trajneri i Malmos për portalin arbesh.info në konferencën për shtyp.

“Terreni ishte e vështirë. Komplimente skuadrës së Dritës për lojën e tyre”

“Ende nuk ka përfunduar asgjë, Shabani ishte më i mirë, janë të rrezikshëm në kundërsulme dhe sfida ende nuk ka përfunduar duhet të tregohemi të kujdesshëm në ndeshjen e dytë”

Rosenberg (82′), Traustason (39′) dhe Strandberg (13′) ishin autorët e golave për skuadrën suedeze./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm