Në pjesën më veriore të Japonisë ekziston ishulli Hokkaido, një vend vërtetë i veçantë. Bëhet fjalë për Blue Pond, një liqen i madh, që prej disa vitesh është bërë një destinacion për turistët nga i gjithë vendi. Pse? Ngjyra e jashtëzakonshme.
Pasqyra e ujit, praktikisht duket sikur ndryshon vazhdimisht ngjyrën: një fenomen me të vërtetë interesant, që të çon shpesh në ngjyra spektakolare. Pas shpërthimit të vullkanit afër Tokachidake, në vitin 1998, autoritetet vendosën që të ndërtonin një barrierë për të mbrojtur zonën. Me kalimin e kohës, një lum i vogël ka grumbulluar një sasi uji të madhe, derisa u krijua liqeni.
Origjina e ngjyrave ende nuk është e qartë, edhe pse nuk përjashtohet se mund të bëhet fjalë për substanca kimike, që kanë kontaminuar ujin. Hidroksid i alumini, në veçanti, do të krijonte reflektimin spektakolar të dritës , ndërkohë që squfuri, tipik i zonave termike dhe ngjyra e bardhë e shkëmbinjve, krijojnë një efekt magjik ngjyrë blu.
Ndërkohë, liqeni Blue Pond, është subjekt i fotografive nga shumë persona, të cilat shpesh janë në National Geographic dhe madje edhe nga Apple, që ka përfshirë një imazh të liqenit për sistemin e ri operativ. Në disa imazhe, ujërat duket jeshile, në disa ngjyrë blu, e të tjerë.
Gjykata e BE-së: Çdo grua afgane mund të aplikojë për azil n...
FIFA kërkon që dy sporte të reja të përfshihen në Lojërat Ol...
Rreth 30 familje detyrohen të evakuohen si pasojë e përmbytj...
Forcat ukrainase godasin me dronë kamikaz rafinerinë ruse në...
Lajçak për sulmin e Banjskës: Përgjegjësit duhet ndëshkuar
Përmbytjet në Bosnje, Begaj solidarizohet me qytetarët e pre...