Juventusi thyen rekordin e transferimeve

20:56 | 10 Korrik 2018
Arbresh Info

Juventusi ka thyer rekordin për transferime në Serie A me nënshkrimin e Cristiano Ronaldos, vetëm dy vite pasi e bëri një gjë të tillë me Gonzalo Higuainin.

Superylli portugez iu bashkua “Zonjës së Vjetër” për 100 milionë euro duke nënshkruar kontratë katër vjeçare që besohet se i siguron atij 30 milionë euro për sezon, transmeton portali arbresh.info.

Derisa pritet që kompania mëmë e “Bianconerëve”, Exor, do të mbuloj një pjesë të saj me sponsorizimet – Ronaldo mund të bëhet fytyra globale e kompanisë Ferrari duke qenë kështu lojtari me pagën më të madhe ndonjëherë në Serie A.

Ronaldo gjithashtu është transferimi më i shtrenjtë në histori të ligës kryesore të Italisë, para Gonzalo Higuainit gjithashtu për të cilin “Zonja e Vjetër” pagoi 94 milionë euro me transferimin e tij nga Napoli në vitin 2016.

Para kësaj, rekord u thye 16 vite më parë në Serie A me transferimin e Hernan Crespos te Parma për 56.81 milionë euro./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm