Gennaro Gattuso ka kërkuar punë nga skuadra e Milanit duke lënë anash problemet në klub.
Pavarësisht problemeve të reja që kanë dalë me pronësinë e klubit, Milani i Gattusos nisi sot zyrtarisht përgatitjet për sezonin e ardhshëm futbollistik.
Tekniku i kuqezinjve, Genaro Gattuso doli në një konferencë për shtyp, ku foli për situatën aktuale, ndërsa pranoi se ka nevojë për më shumë qetësi.
“Natyrisht që kjo nuk është një periudhë e mirë, sa i përket çështjeve organizative të klubit, por jam i sigurt se do të vijnë gjëra më të mira. Skuadrën e shoh të qetë, pasi askush nga lojtarët nuk na ka kërkuar largimin, por nëse do të kishte akoma më shumë qetësi, do të ishte edhe më mirë për punën tonë.
E vërteta është se këto probleme na shoqërojnë prej kohësh, por ne në klub nuk i kemi ndjerë, pasi kemi pasur gjithmonë financat e duhura për të punuar”, deklaroi tekniku i Milanit.
Sa i përket merkatos, Gattuso theksoi se ua ka bërë të qarta dëshirat e tij drejtuesve, ndërsa për formacionin tha se do të jetë fusha ajo që do ta vendosë.
“Emrat që do të doja në merkato, klubi i di tashmë dhe shpresojmë të bëhet ndonjë gjë. Dua një zëvendësues për Kessie dhe një sulmues anësor. Sa i përket sulmit, kemi 4 në majë, ndaj nuk do të jetë e nevojshme të marrim edhe Zazën, që është shumë i ngjashëm me Cutronen.
Pres që disa lojtarë të bëhen më të “këqij” në fushë dhe të meritojnë formacionin, pasi askush nuk të dhuron gjë, në futbollin e sotëm”, tha trajneri Gattuso.
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...