Vejusha e disidentit Xiaobo lejohet të largohet nga Kina

09:36 | 10 Korrik 2018
Arbresh.info

Vejusha e nobelistit kinez të Paqes Liu Xiaobo është lejuar të largohet nga vendi, duke hipur në një avion për në Gjermani.

Liu Xia, e cila ishte në arrest shtëpiak që kur burri i saj fitoi çmimin më 2010, u nis me aeroplan për në Berlin, miqtë familjarë kanë thënë për BBC, transmeton portali arbresh.info.

Bashkëshorti i saj, një profesor universitar i shndërruar në një aktivist për të drejtat e njeriut, ishte burgosur më 2009 për nxitje të përmbysjes.

Ai vdiq nga kanceri i mëlçisë vitin e shkuar, kurse hiri i tij u hodh nëpër det.

Liu Xia, një poete, kurrë nuk është akuzuar për ndonjë krim, por tha në maj se ajo ishte gati të vdiste në shenjë proteste ndaj paraburgimit të saj të vazhduar.

Ajo thuhet se ka vuajtur nga depresioni pasi ka kaluar vite nën vëzhgim të rëndë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm