Google ADS

Barcelona mendon shitjen e Paulinhos

13:00 | 5 Korrik 2018
Arbresh Info

Mesfushori i Barcelonës, Paulinho është duke menduar rikthimin te Super Liga e Kinës pasi ka pranuar një ofertë “multi milionëshe”.

Sipas raporteve nga mediat spanjolle, vlera e mesfushorit qendror është rritur këtë verë për shkak të performanacve të tij në Kampionatin Botëror “Rusia 2018” me skuadrën kombëtare të Brazilit, transmeton portali arbresh.info.

Gjiganti katalunas tani beson se ata mund të shesin ish lojtarin e Tottenhamit për 50 milionë euro këtë verë, duke fituar 10 milionë nga lojtari të cilin e transferuan nga Guangzhou Evergrande vitin e kaluar.

Megjithatë, pavarësisht dëshirës së klubit për shitjen e mesfushorit qendror, trajneri Ernesto Valverde thuhet se dëshiron të mbajë në skuadër Paulinhon.

Barcelona mund të ketë vetëm tre lojtarë jo evropian në skuadrën e tyre, ndërkohë që Philippe Coutinho, Yerry Mina dhe së shpejti, Arthur, do të mbushin këto vende, andaj një lojtar duhet të largohet./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm