Google ADS

“Neymar nuk mund ta fitojë Topin e Artë me këtë trajner”

22:45 | 4 Korrik 2018
Arbresh.info

Rivaldo, ish-sulmuesi i Barcelonës, ka këshilluar kolegun e tij brazilian Neymar të largohet nga Paris Saint-Germain për Real Madridin.

Në një intervistë të botuar të mërkurën nga e përditshmja gjermane “Bild” ish-sulmuesi brazilian beson se Real Madridi është vendi i duhur që 26-vjeçari mund të përmirësohet edhe më shumë dhe do të ketë mundësi për të fituar trofe të rëndësishëm.

Rivaldo tha se nëse Neymar dëshiron të fitojë “Topin e Artë”, të dhënë nga organi qeverisës FIFA për lojtarin më të mirë të botës ai duhet të luajë për një nga klubet më të mëdha në botë.

“Në Paris Saint-Germain, me trajnerin e ri Thomas Tuchel, ai kurrë nuk do të shpallet lojtari më i mirë në botë”, tha Rivaldo.

46-vjeçari brazilian, i cili luajti në Spanjë për Barcelonën nga viti 1997 deri në vitin 2002, beson se transferimi i Neymar në “Santiago Bernabeu” do të ishte një ndryshim i rëndësishëm.

Shpërndaje në rrjete sociale

Lajmet më të lexuara

Të ngjashme

Foto lajm