Kryetari i Komunës së Prizrenit, Mytaher Haskuka reagoi ndaj ankesave për reduktime të gjata të ujit në qytet.
Sipas tij kjo po ndodh për shkak të problemeve në riparimin e rrjetit të vjetër të ujësjellësit.
“Dje pas ankesave të shumta për ndërprerje të ujit kërkova shpejgime shtesë për punmiet, sipas inormatave, reduktimet e ujit kanë zgjatur më shumë ngase në pjesën ku po zhvillohen punimet, rrjeti i ujësjellësit ishte më i vjetër së 70 vite dhe intervenimet me pjesët e reja nuk i janë përshtatur sistemit të vjetëruar”, tha Haskuka
Ai po ashtu tha se kritikat e qeverisjes së kaluar mbi këtë temë, janë sharje e vetvetes.
“Derisa i kuptoj shqetësimet e sinqerta të qytetarëve, nuk mund të kuptoj disa eksponentë të pushtetit, ngase të kritikosh furnizimin me ujë është të kritikosh pushtetet e kaluara, pra vetëveten, ngase këto investime është dashur t’i kemi shumë më përpara”, shkroi ai.
Ai kritikoi udhëheqësit e mëparshëm komunalë edhe për mos mbrojtjen e trashëgimisë kulturore duke thënë se tashmë shërbimet e ujësjellësit po i ngjajnë innfrastrukturës së shekullit të kaluar.
“Neve na mbetet puna e vështirë por do t’i rregullojmë të gjitha problemet e trashëguara. Shërbimet publike do të modernizohen, gjersa qytetin historik do të mbrojmë”, përfundoi ai.
Agjenti i Salah ofron shërbimet e egjiptianit te gjiganti ev...
Zv/kryeprokurori i Pejës Ersan Qavolli dhe familja e tij mer...
Erdogan bën thirrje për një embargo armësh ndaj Izraelit
Zbulohet se sa banorë do të hyjnë sot në BBVK
Biden: Armëpushimi është i mundshëm në Liban, por më i vësht...
Përjashtohen me 10 ditë nga seancat deputetët e PD-së Elda H...