Lajiq: Pozicioni i Serbisë për Kosovën është i dobët, por pa të s’ka zgjidhje

14:20 | 2 Korrik 2018
Arbresh.info

Ministri i Tregtisë, Turizmit dhe i Telekomunikacionit në Qeverinë serbe, Rasim Lajiq, ka deklaruar sot se pozicioni i Serbisë në zgjidhjen e problemit të Kosovës është i dobët, porse pa Serbinë ky problem nuk mund të zgjidhet.

Ai ka theksuar se të gjithë e dinë se pozitat negociuese të Serbisë nuk janë të shkëlqyeshme, se Serbia nuk e ka pushtetin faktik në Kosovë, nuk e ka përkrahjen ndërkombëtare për zgjidhjen e kësaj çështjeje dhe numër i madh vendesh e kanë njohur pavarësinë e Kosovës.

“Më së lehti është të rrish në Beograd e të shesësh mend çfarë do të ishte më së miri. Është e vërtetë se pozicionet tona janë të dobëta, porse, po të bëhej pa Serbinë, kaherë do të ishte zgjidhur”, citon tv prva të ketë thënë Lajiq.

Ai ka shtuar se Serbia insiston në zgjidhje kompromisi dhe se pa kompromis çdo zgjidhje do të ishte e imponuar,e njëanshme dhe lë pas vetes problemin fshehur.

Shpërndaje në rrjete sociale

Lajmet më të lexuara

Të ngjashme

Foto lajm