Google ADS

LG prezanton shërbimin për muzika kualitative

10:11 | 13 Gusht 2015
Arbresh Info

LG ka njoftuar se së shpejti do të lëshojë një shërbim të ri për muzika për përdoruesit e përzgjedhur të telefonave të mençur nga kompania. Tërheqja e kësaj është se ky shërbim i lejon përdoruesve të shkarkojnë këngë vërtetë kualitative në pajisjet e tyre.

Derisa shumica e muzikave që ne dëgjojmë janë 16-bit/44.1kHz, muzikat nga shërbimi i kompanisë LG do të jenë shumë më të larta deri në 24-bit/192kHz, gjë që teorikisht do e bëjë të ketë zë më të mirë, shkruan arbresh.info.

Ky shërbim iu lejon konsumatorëve të blejnë këngë rreth 50% më lirë se çmimi i zakonshëm si dhe iu ofron atyre dy këngë falas çdo muaj. Shërbimi do të jetë në dispozicion për telefonat që mbështesin aftësinë për të ofruar këngë me zë kualitative si LG G4, G3, G2 dhe G Flex 2.

Shërbimi do lansohet këtë muaj tek 70 vende, përfshirë Shtetet e Bashkuara, Australinë, Brazilinë, Kinën, Francën, Rusinë dhe Britaninë e Madhe./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm