Willy Caballero ishte një nga fajtorët më të mëdhenj në humbjen poshtëruese të Argjentinës nga Kroacia me rezultat 0-3.
Ai i dhuroi një top sulmuesit kroat Ante Rebiç i cili shënoi golin e epërsisë. Përkundër kësaj humbjeje, Argjentina ia doli ta kalonte grupin, por Caballero nuk ka qenë në portë në ndeshjen me Nigerinë.
Portieri i Chelseat, tregon se këto ditë kanë qenë të vështira për të dhe familjen e tij, pas kërcënimeve që kanë pranuar ata.
“Tash jam më i qetë. Pas rezultatit pozitiv dhe kualifikimit në raundin tjetër, ajo që më ka ndodhur mua do të kthehet në anekdotë. Fat i keq, gabim, quajeni si të doni”, ka shkruar Caballero në Instagram.
“Ka shumë gjëra të cilat i pranoj, pasi ishte vetëm një gabim në futboll. Por në drejtim timin është treguar mungesë respekti dhe si unë ashtu edhe familja kemi pranuar kërcënime të ndryshme, të cilat e kanë vështirësuar situatën”.
“Por për fat të mirë jam i rrethuar nga njerëz që më përkrahin dhe më kanë ngushëlluar në ato momente”, ka theksuar ai.
Argjentina në 1/8 e finales do të ndeshet me Francën.
Elvis Rexhbeçaj në formacionin startues të Augsburgut ndaj M...
Biden: Arritja e armëpushimit në Gaza është ende real
Odegaard do të humb nëntë ndeshje pas lëndimit
Aliu: Kosova synon të lidhë rrjetin hekurudhor me atë evropi...
Osmani në Akademinë e famshme ushtarake amerikane West Point...
Kryeziu: Qeveria po punon për zhbllokimin e CEFTA-s