Raporti i dorëzuar në qeveri nga Ekipi menaxhues për hartimin e statutit të Asociacionit të Komunave Serbe është larg çdo pritjeje të Qeverisë së Kosovës.
Madje, ky raport, i dorëzuar vetëm në gjuhën serbe dhe në alfabetin cirilik, është kthyer mbrapsht nga Zyra e Kryeministrit, për t’u përkthyer edhe në gjuhë të tjera zyrtare, raporton KTV.
Avni Arifi, që është kryesues i Komitetit Zbatues për hartimin e statutit të Asociacionit, thotë se përmbajtjet e 6 takimeve të Ekipit Menaxhues janë dëshpëruese. Ndër të tjera, sipas tij, ka synime që sistemi shëndetësor në veri të vihet nën kontroll të Asociacionit.
Ndërkohë, Këshilli i Bashkimit Evropian, përmes konkluzioneve të prezantuara për Kosovën, kërkonin që Asociacioni të formohet në përputhje me Marrëveshjen e Brukselit të vitit 2013 dhe marrëveshjen nga gushti i 2015-ës.
Këtë kërkesë të BE-së, deputetja e LDK-së Vjosa Osmani e sheh shqetësuese, pasi sipas saj, me këtë po kërkohet ndryshim i Kushtetutës së Kosovës dhe po anashkalohet Gjykata Kushtetuese.
Nga ana tjetër, Qeveria e Kosovës mohon se ka një kërkesë të tillë. Përsërisin se Asociacioni nuk do të ketë kompetenca shtesë, pasi i njëjti do të dërgohet për vlerësim në Kushtetuese.
Televizioni ka kërkuar përgjigje edhe nga Zyra e Bashkimit Evropian në Kosovë, nëse ka një kërkesë të tillë për ndryshimin e Kushtetutës për themelimin e Asociacionit por nuk kanë kthyer përgjigje.
Edhe Lista Serbe ka kërkuar ndryshim të Kushtetutës për Asociacionin, por kjo është kundërshtuar në vazhdimësi nga Qeveria e Kosovës.
Festë e madhe me flamur kuqezi në dhomat e zhveshjes së Lill...
Rama ndan fotot nga vizita e Von der Leyen në Tiranë: Nga Sh...
Izraeli akuzon 6 gazetarë të Al Jazeeras në Gazë se janë mil...
Veliaj falënderon Ursula von der Leyen për fjalët e mira për...
Horoskopi ditor, parashikimi i yjeve për shenjën tuaj
“Partizani”, Berisha në gjyq/ GJKKO vendos nëse dosja ndaj i...