Ambasadori i Nderit i Republikës së Kosovës Otto von Feigenblatt ka hapur zyrën tregtare në Santa Cruz de la Sierra, në Bolivi, shtet i cili ende nuk ka njohur pavarësinë e Kosovës.
Ambasadori i Nderit i Republikës së Kosovës-vendit më të ri në Evropë, Otto von Feigenblatt, tha se ky vend evropian është i interesuar t’i zgjerojë lidhjet tregtare me industrialistët bolivianë që merren me prodhimin industrial.
Gazeta më e madhe në Bolovi ka shkruar lidhur me këtë ngjarje. Von Feigenblatt siguroi se me hapjen e zyrës tregtare në Santa Cruz, vendi i tij bën hapin e parë në gjetjen e një ure të integrimit që nxit tregun bilateral reciprok në mes të Kosovës dhe komunitetit tregtar bolivian.
Përpos prodhimit të super ushqimeve, diplomati tha se sektori i tekstilit, i agrobiznesit dhe ai i ndërtimit janë potenciale që mund të shqyrtohen në këtë vend.
“Kosova i ofron Bolivisë çelësin për të hyrë në tregjet e Ballkanit dhe të Azisë”, tha Von Feigenblatt.
Mauricio Carranza, zëvendësdrejtor i zyrës tregtare të Kosovës në Santa Cruz, tha se në një proces afatshkurtër do të formohet platforma e tregut multilateral, me qëllim të shfrytëzimit të forcës prodhuese dhe kapacitetin eksportues të Santa Cruz-it. Do të organizohen edhe misione dhe termine tregtare.
“Bota është në zjarr”, Trump reagon pas sulmit me raketa të ...
Më shumë se 100 persona janë duke përgatitur padi kundër rep...
Sa herë në vit duhet t’i prisni flokët? – Këshillat e duhura
Çajrat bimorë që shuajnë dëshirën për cigare
Pas sulmit iranian, Ambasada e Shqipërisë tregon numrat ku q...
Sulmi ndaj Izraelit, Netanyahu: Irani do ta paguajë shtrenjt...