Pas ndeshjeve në kuadër të xhiros së tretë të Grupit D në Kampionatin Botëror “Rusia 2018”, Argjentina dhe Kroacia tashmë kanë mësuar rivalët e ardhshëm në këtë turne madhështor.
Si një lidere e grupit me nëntë pikë të plota të siguruara pas tri fitoreve radhazi, Kroacia do të takohet me Danimarkën në raundin e ardhshëm të Kampionatit Botëror “Rusia 2018”, shkruan portali arbresh.info.
Pas fitores me rezultat të ngushtë 2 me 1 kundër Islandës mbrëmjen e sotme (e martë), përfaqësuesja nën udhëheqjen e trajnerit Zlatko Dalic do të përballet në ndeshjen e ardhshme kundër Danimarkës.
Ndërsa, Argjentina e Lionel Messit do të takohet me njërën nga kombëtaret favorite në këtë turne – Francën. Argjentina i shpëtoi eliminimit të hershëm në këtë botëror me fitoren 2 me 1 kundër Nigerisë falë golit nga Marcos Rojo në minutat e fundit të takimit.
Takimi mes Francës dhe Argjentinës zhvillohet më 30 qershor duke filluar nga ora 16:00, ndërsa ndeshje mes Kroacisë dhe Danimarkës zhvillohet më 1 korrik duke filluar nga ora 20:00/arbresh.info/
Kush mendoni se do të vazhdoj në çerekfinale?
Vazhdon dëshminë Nuredin Ibishi në rastin Thaçi dhe të tjerë...
Ismaili takoi Guvernatorin e Bankës së Italisë, diskutuan pë...
Zhegrova e David në ballinën e gazetës së famshme franceze L...
Policia kërkon ndihmë nga qytetarët për gjetjen e Mazllum Br...
Nisin takimet në Bruksel, Lajçaku e pret Petkoviqin
Osmani: Kushtetuta jonë është tejet unike