Gjykata e Lartë amerikane la në fuqi kufizimet e shpallura nga administrata Trump për hyrjen në SHBA të qytetarëve nga pesë vende me shumicë myslimane.
Vendimi me 5 vota pro dhe 4 kundër i jep Presidentit Donald Trump një fitore në zbatimin e një prej politikave të tij më të debatueshme.
Vendimi i Gjykatës përcakton se presidenti ka autoritetin që, sipas ligjeve amerikane të imigracionit, të kufizojë për arsye të sigurisë kombëtare, hyrjen e personave nga vende të caktuara, siç edhe argumenton administrata Trump.
Presidenti “ka ushtruar në mënyrë të ligjshme kompetencat e gjera që i jep atij ligji për të pezulluar hyrjen e të huajve në Shtetet e Bashkuara,” shkruante kreu i Gjykatës së Lartë John Roberts, duke argumentuar opinionin e shumicës në këtë gjykatë.
Sipas kufizimeve në fjalë të shpallura në shtator, qytetarë të pesë vendeve muslimane: Iranit, Libisë, Somalisë, Sirisë dhe Jemenit, si dhe koreanoveriorët dhe disa individë të lidhur me qeverinë e Venezuelës, ndalohen të hyjnë në Shtetet e Bashkuara. Dy urdhra të mëparshme për udhëtimet u bllokuan nga gjykatat.
Vendimi i sotëm u jep fund betejave të ashpra ligjore që zgjatën 16 muaj mes administratës dhe kundërshtarëve të saj, të cilët e kanë quajtur urdhrin e presidentit si ndalim të muslimanëve për arsye ideologjike./VoA/
Erdogan bën thirrje për një embargo armësh ndaj Izraelit
Zbulohet se sa banorë do të hyjnë sot në BBVK
Biden: Armëpushimi është i mundshëm në Liban, por më i vësht...
Përjashtohen me 10 ditë nga seancat deputetët e PD-së Elda H...
Zinedine Zidane nuk kishte asnjë dyshim kur emëroi golin ‘më...
Haradinaj në Universitetin e Chicagos: Kosova pret me paduri...