Komuna e Istogut jep në shfrytëzim mbi 60 prona pa ankand publik

22:23 | 25 Qershor 2018
Arbresh.info

Fermeri Gjon Musolli nga fshati Gurakoc i Istogut ka dhjetë vjet që e shfrytëzon tokën prej 30 hektarësh, e cila është në pronësi të Komunës.
Musolli thotë të ketë paguar Komunën 30 euro për një hektar, megjithatë nuk kaloi asnjëherë nëpër procedura për ta marrë në shfrytëzim, raporton KTV.

Njëjtë parcelën prej 20 hektarësh deri tash e ka shfrytëzuar edhe fermeri Sadush Kabashi.

Opozita e ka kritikuar Komunën që i ka anashkaluar deri këtë vit procedurat e nevojshme për dhënien në shfrytëzim të këtyre tokave.

Për më tepër, sipas Lëvizjes Vetëvendosje, Komuna nuk është duke e bërë identifikimin e të gjitha pronave.

Por, Komuna thotë se brenda këtij viti, përmes një projekti, do t’i identifikojnë të gjitha pronat dhe pastaj do t’i nisë procedurat për shpalljen e ankandit publik.

Lidhur me shfrytëzimin e pronave komunale pa procedurat e nevojshme Komunës i ka dhënë vërejte edhe Auditori i Përgjithshëm.

Shpërndaje në rrjete sociale

Lajmet më të lexuara

Të ngjashme

Foto lajm