Matthew Whitaker është jashtëzakonisht me fat që sot është i gjallë dhe për jetën e tij i detyrohet Azita Milanian, e cila e gjeti atë të varrosur të gjallë në pyll vetëm pak orë pasi u lind, 20 vjet më parë.

Tani, Mateu dhe Azita më në fund janë ribashkuar në një takim emocional në Ryan Seacrest, ndërsa hera e parë e tyre ishte dita që mund të ishte fatale për Mateun.

“Ju jeni pikërisht ai që unë kam imagjinuar. Mendova madhësinë tuaj, gjithçka. Faleminderit që erdhët në jetën time, keni ndryshuar jetën time. E dija se do të lidheshim përsëri. Perëndia na solli së bashku për një qëllim”.

Azita gjeti Mateun ndërsa vraponte në një shëtitje në Altadena të Kalifornisë në vitin 1998. Ai u varros në një varr të cekët, i mbuluar me mbeturina dhe mezi merrte frymë. Ishte një nga qentë e Azitës që dha alarmin pasi këmbët e bebes ishin në sipërfaqe.

“Mendova se ishte një kafshë apo krijesë e vdekur”, tha ajo në një intervistë në atë kohë.“Pastaj, duke shikuar thellë në pluhur, mund të shihja se ishte një fëmijë.”

Ajo lajmëroi një motorist që po kalonte. Shoferi u drejtua në stacionin e policisë lokale, ndërsa Azita qëndroi prapa me Mateun, duke e ngushëlluar dhe duke e pastruar.

Mateu mbijetoi dhe u adoptua dhe që prej atëherë Azita nuk e pa më.

Nëna që e braktisi nuk u gjet asnjëherë. Mateu nuk mësoi për shansin e tij të pabesueshëm të dytë në jetë deri vonë.

Palët planifikojnë të mbajnë kontakt, dhe Azita më së fundi ishte në gjendje të përmbushë ëndrrën e saj.