Barcelona kërkon transferimin e Hirving Lozanos

16:52 | 23 Qershor 2018
Arbresh Info

Barcelona është përpjekur për të nënshkruar me yllin e Meksikës në Kampionatin Botëror “Rusia 2018”, Hirving Lozano.

Paraqitjet e mrekullueshme të Hirving Lozanos kanë tërhequr vëmendjen e shumë klubeve të mëdha botërore dhe Barcelona është njëri nga ato, ka zbuluar babai i talentit, transmeton portali arbresh.info.

Ylli i PSV-së ka shënuar golin e vetëm në ndeshjen tronditëse të fituar kundër kampionit aktual – Gjermanisë, në ndeshjen e tyre të parë në kuadër të Grupit F.

Babai i tij pranon se e ardhmja e tij te gjiganti holandez vazhdon të mbetet e pa qartë.

“Kur të përfundoj Kampionati Botëror, ne do të shohim se çfarë do të ndodhë, nëse do të qëndroj në PSV apo do të kaloj diku tjetër”, i ka thënë ai ‘ESPN’-së.

Lozano i kishte siguruar tri pikë të plota Meksikës me golin e shënuar në minutën e 35′./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm