Google ADS

Granit Xhaka: E pranojmë luftën, jemi fizikisht të përgatitur

18:22 | 22 Qershor 2018
Arbresh.info

Superylli shqiptar i Zvicrës, Granit Xhaka, ka shprehur besimin e tij para duelit ndaj Serbisë.

Xhaka për Blick ka deklaruar se e ka shikuar Serbinë ndaj Kosta Rikës.

Ai thotë se Serbia luan futboll krejt ndryshe dhe beson se trajneri aktual ka bërë punë të mirë pasi Serbia më parë nuk ka qenë aq e fortë.

“Natyrisht se e kam shikuar ndeshjen e parë të Serbisë. Ata kanë cilësi të mira dhe kanë lojtarë të klasit ndërkombëtar të cilët luajnë në kampionatet evropiane”.

“Trajneri i tyre ja ka dalë që nga lojtarët të formojë një ekip të mirë. Ata nuk ishin kështu më parë. Brazili është ekip më i talentuar teknikisth. Serbia luan futboll krejt tjetër. Një futboll më të fortë”.

“Por, ne e pranojmë luftën dhe jemi gati fizikisht. Dy javët përgatitore në Lugano u shpaguan, këtë e kemi parë edhe ndaj Brazilit”, u shpreh ylli shqiptar i Arsenalit.

Zvicra përballet me Serbinë nga ora 20:00 në Kaliningard, enklavën ruse mes Lituanisë dhe Polonisë. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm