Tarifat shpaguese të Bashkimit Evropian ndaj mallrave amerikane hynë në fuqi sot, sulmi më i fundit ky ndaj politikës tregtare të Donald Trumpit.
Taksat prekin artikuj me vlerë të përgjithshme 2,8 miliardë euro, duke shënjestruar edhe produkte të rëndësishme për SHBA-në si uiski, motoçikletat dhe lëngu i portokallit.
Presidenti i Komisionit Evropian, Jean-Claude Juncker kujtoi se si ishte Amerika ajo që vendosi e para tarifat e reja që binin ndesh me logjikën dhe historinë. Pas Turqisë të enjten, edhe India vuri taksa mbi 29 produkte të importuara nga Shtetet e Bashkuara, përfshirë disa mallra bujqësore dhe të tjera prej alumini e çeliku.
Tarifat e saj hyjnë në fuqi nga 4 gushti dhe godasin sidomos eksportet e bajameve. India është blerësi më i madh i bajameve amerikane në botë, ndaj kjo lëvizje pritet të rëndojë ndjeshëm mbi fermerët amerikanë.
Donald Trump e bëri realitet kërcënimin e tij duke përfshirë nga 1 qershori edhe BE-në në tarifat e reja amerikane dhe lista e tij u zgjat veç të tjerash edhe me Kanadanë e Meksikën.
Por kundërpërgjigjet që po merr nga të gjitha anët bëjnë që të lindë pyetja: a e përballon dot vërtetë Amerika luftën tregtare me të gjithë?
Kurti për “Financial Times”: Do të punoja me këdo në Shtëpin...
Rodri mund të ketë nevojë për operim, pritet të humbasë gjit...
Sveçla: Përgjegjësia për vrasjen e heroit Afrim Bunjaku ësht...
Marina Vjollca rikthehet në Top Channel, nën moderimin e emi...
Krasniqi viziton familjen e Afrim Bunjakut: Ishte një simbol...
IKD: KPK të garantojë transparencë në Draftrregulloren për k...