Isco festoi fitoren e parë të Spanjës në Kampionatin Botëror duke puthur dorezat e David de Geas.

Goli i rastësishëm i Diego Costas në pjesën e dytë ishte i mjaftueshëm për t’i siguruar tri pikë atyre kundër skuadrës kokëforte të Iranit, të cilës iu refuzua goli i barazimit pas një shqyrtimi të rastit nga VAR-i, transmeton portali arbresh.info.

De Gea ishte nën presion pas barazimit 3 me 3 kundër Portugalisë javën e kaluar që i dhuroi falë gabimit të tij golin e dytë Cristiano Ronaldos në hat-trick’un e tij.

Tifozët e Spanjës madje kërkuan që De Gea të mos jetë pjesë e ndeshjes tjetër të Spanjës në Grupin B kundër Iranit mbrëmjen e së mërkurës. Por, trajneri i ri Fernando Hierro vazhdoi të ketë besim te portieri i Manchester United.

https://twitter.com/Krowd9/status/1009545116699254792

Po ashtu, De Gea dukej se kishte përkrahjen e plotë të bashkëlojtarëve të tij te Spanja pasi Isco iu afrua atij dhe ia puthi dorezat pas ndeshjes.

“Kjo na kushtoi shumë dhe ne vuajtëm shumë, ndeshja thuajse kishte gjithçka”, ka thënë mesfushori i Real Madridit pas fitores ndaj Iranit.

“Ata [Irani] po humbnin kohë, ata shfrytëzuan të gjitha truket e futbollit”

Rivali i ardhshëm i Spanjës në kuadër të Grupit B është Maroku./arbresh.info/