Google ADS

Musliu: Shpend Maxhuni e ka kaluar 18 herë verifikimin nga AKI

19:30 | 18 Qershor 2018
A. B.

Shpend Maxhuni, për herë të parë si drejtor i AKI-së, ka dalë përballë anëtarëve të Komisionit për Mbikëqyrje të Agjencisë së Kosovës për Inteligjencë, ku ka raportuar për gjendjen e sigurisë në Kosovë.

Zëvendëskryetarja e komisionit, Ganimete Musliu, ka folur në superlativ për Maxhunin, raporton KTV.

Shpreson se imazhin e mirë që i kishte dhënë policisë sa ishte drejtor do ta bartë edhe në AKI.

Musliu ka thënë se Maxhuni 18 herë e ka kaluar verifikimin.

Ajo ka siguruar qytetarët se gjendja e sigurisë në Kosovë është e mirë, megjithëse veriu vazhdon ta sfidojë sigurinë. Musliu megjithatë ka shtuar se situata është nën kontroll.

Musliu nuk ka folur për rastin e gjashtë turqve të dëbuar nga Kosova. Ka thënë se fjalën përfundimtare do ta japë Komisioni Hetimor Parlamentar.

Pikërisht rasti i 6 shtetasve turq e solli Maxhunin nga policia në krye të AKI-së, pas shkarkimit që i bënë presidenti e kryeministri drejtorit të atëhershëm, Driton Gashi.

Shpërndaje në rrjete sociale

Lajmet më të lexuara

Të ngjashme

Foto lajm