Aleksandr Golovin ka qenë futbollisti më i mirë i Rusisë në ndeshjen hapëse të Kampionatit Botëror.
Mesfushori i krahut të majtë ka shkëlqyer në fitoren 5-0 ndaj Arabisë Saudite duke shënuar një gol dhe duke dhuruar dy asistime.
Falë paraqitjes së mirë në takimin e parë por edhe me klubin e tij CSKA Moska, Golovin është bërë objektiv i Juventusit.
Aleksandr Golovin duke shënuar gol nga gjuajtja e lirë (Getty Images)
Kampionët e Italisë kanë dërguar ofertën e parë në drejtim të Moskës për transferimin e lojtarit.
‘Zonja e Vjetër’ ka ofruar 15 milionë euro para kesh dhe tre milionë euro të tjera bonuse.
Por kjo ofertë nuk e ka kënaqur klubin rus që po kërkon së paku 25 milionë euro për talentin e tyre.
Golovin ishte i pandalshëm për mbrojtjen e arabëve (Getty Images)
22-vjeçari ka shkëlqyer edhe në fanellën e CSKA Moskës, ku në 32 ndeshje ka shënuar shtatë gola dhe ka dhuruar gjashtë asistime.
Golovin është pjesë e klubit rus që nga viti 2013 ndërsa interesim për të ka shprehur edhe Monaco./Telegrafi
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...