Google ADS

Danimarka nuk gabon ndaj Perusë, fiton 0 me 1

19:59 | 16 Qershor 2018
Arbresh.info

Danimarka ka fituar me rezultat minimal në ndeshjen e saj hapëse kundër Perusë në Kupën e Botës në Rusi të shtunën pasdite.

Kasper Schmeichel ka bërë një paraqitje për t’u mbajtur në mend duke e ruajtur portën e paprekur në fitoren 1-0 të Danimarkës kundër Perusë në Grupin C në Kupën e Botës në Rusi, percjelle express.Në një ndeshje mjaft të barabartë, Peru fitoi një penallti në minutën e fundit të pjesës së parë, por Cueva e ekzekutoi atë në mënyrën më të dobët të mundshme, duke e dërguar topin lartë mbi portën e Schmeichel.

Pas një ore lojë, Eriksen i dhuroi një pasim mjeshtëror Yussuf Poulsenit, i cili shënoi me lehtësi golin që doli të jetë i tri pikëve për danezët.

Por, më meritori për këtë fitore është padyshim portieri Schmeichel, i cili në disa raste bëri pritje të jashtëzakonshme duke ua mohuar golin peruanëve.

Danimarka tani ka 3 pikë aq sa edhe Franca në Grupin C, ndërkohë që Peru dhe Australia mbesin pa pikë pas rrethit të parë.

Shpërndaje në rrjete sociale

Lajmet më të lexuara

Të ngjashme

Foto lajm