Pas Kuvendit zgjedhor në nëndegën e Livadhisë, u zhvillua Kuvendi Zgjedhor i nëndegëve të qytetit të Strugës, Struga 1 dhe Struga 2.
Perveç anëtarësisë së gjërë, Kuvendin nga afër e ndoqi Kryetari i degës, Syrja Rashiti, Kryetari i Komunës së Strugës dhe bartës i procesit për reformim të PDSH-së, Ziadin Sela.
Për çështjet procedurale rreth organizimit të Kongresit të VI-të dhe të rregullt të PDSH-së, sa i përket zgjedhjeve të brendshme partiake, foli Syrja Rashiti, kryetar aktual i degës së PDSH-së në Strugë.
Ndërsa iniciatori i Lëvizjes për reforma në PDSH, Ziadin Sela sqaroi arsyet dhe nevojën që lindi për reformim të PDSH-së, por edhe skenës politike shqiptare në përgjithësi.
“Struganët duhet të mburren me faktin se ky proces filloi pikërisht nga Struga” – u shpreh ai, ndërsa nuk la pa përmendur edhe ngjarjet e fundit politike në Maqedoni.
” Partia Demokratike Shqiptare nuk është vula që dikush e mban në xhep kudo ku shkon. PDSH është platforma e saj që do të sjell zgjidhjen e problemeve të shqiptarëve. PDSH është Marrëveshja e re politike dhe kërkesat që dalin prej saj. Ne nuk do të kërkojmë mandat për tu bërë pjesë e qeverisë dhe të harrojmë problemet që i kemi si komb. Kur ne do të fitojmë mandatin, do të ketë krizë politike, e cila nuk do të zhbllokohet derisa të plotësohen kushtet tona. Kushti i parë që do të kërkojmë është Gjuha Shqipe zyrtare edhe në Strumicë, që do të thotë zyrtare në gjithë territorin e Maqedonisë.”- tha mes tjerash Ziadin Sela, bartës i procesit për reformimin e PDSH-së.
Për Kryetar të nëndegës Struga 1, u zgjodh Ilir Guzi, ndërsa për nëndegën Struga 2 u zgjodh Daut Çermenika.
Kuvendarë të nëndegëve të qyteti të Strugës, u zgjodhën Ilir Guzi, Daut Çermenika, Verim Kaba, Arsllan Istrefi, Alban Pollozhani, Shkëlqim Sadiku, Naser Iljazi dhe Mustafa Zabzuni.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...