Rreth 175 mijë njerëz morën pjesë në zinxhirin njerëzor të organizuar nga rajonet baske për të kërkuar një referendum mbi shkëputjen nga Spanja.
Nisma ka arritur shifra rekord, duke pasur parasysh se “gjarpri” ka tejkaluar 200 kilometra gjatësi mes San Sebastian, Bilbao dhe Vitoria. Përveç separatistëve baskë, një grup i madh aktivistësh katalanas morën pjesë në demonstratën e promovuar nga shoqata Gure Esku Dago.
Ngjashëm me situatën në Katalonjë, qeveria spanjolle ka deklaruar se çdo referendum do të ishte i paligjshëm. Neni 2 i kushtetutës spanjolle flet për unitetin e pandryshueshëm të kombit spanjoll, dhe një përpjekje për mbajtjen e referendumit për pavarësi në Katalonjë, vitin e shkuar, u pasua nga një reagim i ashpër i qeverisë qendrore, e cila mori në duar kontrollin e rajonit.
Ish-kryeministri Mariano Rahoi, që më herët është kritikuar për mënyrën se si e menaxhoi krizën katalane, u rrëzua nga posti pas një mocioni mosbesimi në parlament më 1 qershor.
Mocioni i iniciuar nga lideri socialist Pedro Sanchez, u mbështet nga deputetët baskë dhe katalanë. Tani kryeministër, Sanchez ka lënë të kuptohet se do të donte të amendonte kushtetutën për t’i garantuar rajoneve autonome më shumë fuqi./gsh/
Rezultatet fillestare i japin epërsi të lehtë presidentes pr...
Shawn Mendes ndalon koncertin për të nderuar këngëtarin e nd...
Shpërthime të fuqishme në Bejrut, Izraeli shënjestron degët ...
Digjen orët e rrymës në një ndërtesë në Fushë Kosovë
Lushtaku: Me mbështetjen e qytetarëve dhe mërgatës tonë, PDK...
Zyrtarët e lartë amerikanë vizitë pa paralajmërim në Beograd...