Grupi informatikë amerikan ”Microsoft” tha se sistemi i ri i operimit Windows 10 do të dalë këtë verë në 190 shtete dhe do të jetë i disponueshëm në 111 gjuhë.

Grupi informatikë amerikan ”Microsoft” tha se sistemi i ri i operimit Windows 10 do të dalë këtë verë në 190 shtete dhe do të jetë i disponueshëm në 111 gjuhë.

”Vazhdojmë të bëjmë progres të madh dhe ndajmë me ju sot lajmin se ‘Windows 10′ do të jetë i disponueshëm në 190 shtete dhe 111 gjuhë”, tha zëvendëspresidenti i ”Microsoft”-it, Terry Myerson duke theksuar se është krijuar për disa lloje pajisjesh si: PC, Smartphone dhe pajisje që funksionojnë me anë të internetit.

“Data e saktë e lansimit nuk është bërë ende e ditur, por kompania është e përkushtuar që lansimi i sistemit operativ të jetë deri në mesin e këtij viti”, tha Terry Myerson gjatë fjalimit të tij në samitin e (WinHEC), këtë të martë në Shenzhen të Kinës.

Grupi amerikan po bashkëpunon edhe me Xiaomi-në për të eksperimentuar Windows 10-ën.

Ai gjithashtu bëri të ditur partneritetin me kompanitë ”Lenovo”, ”Tencent” dhe “Qihu 360”, për të ndihmuar klientët në Kinë që të kalonin në sistemin Windows 10.

”Microsoft-i” theksoi se sistemi i ardhshëm i operimit do të ofrojë mundësinë e lidhjes pa fjalëkalim duke përdorur metoda teknologjike biometrike si njohja me anë të fytyrës. /arbresh.info/

https://www.youtube.com/watch?v=1AsoSnOmhvU&t=120