Samiti i G7 nuk zgjidhë dallimet në mes të Trumpit dhe aleatëve

13:18 | 9 Qershor 2018
Arbresh.info

Bisedimet në samitin e G7-ës në Kanada kanë dështuar të zgjidhin dallimet e mëdha mes presidentit amerikan Donald Trump dhe liderët e vendeve të mëdha industriale.

Ndasitë ishin të dukshme edhe të premten, me theks të veçantë në tregti, transmeton portali arbresh.info.

Aleatët e SHBA-ve janë të zemëruar me vendimin e fundit të Trumpit për të vendosur tarifa në importimin e çelikut dhe aluminit, duke ngritur shqetësime për luftë tregtare.

Ende nuk dihet nëse do të ketë komunikatë për media nga të gjithë të pranishmit kur të përfundojë takimi.

Takimi dy-ditor po mbahet në qytetin La Malbaie, në provincën e Quebec.

Trump do të niset herët të shtunën për në Singapor për një takim të rëndësishëm me udhëheqësin e Koresë së Veriut, Kim Jong-un./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm