Ylli i muzikës botërore, këngëtarja shqiptare Dua Lipa do të mbajë koncert në qytetin e saj të lindjes Prishtinë për herë të dytë.

Ajo do të performoj në kuander të festivalit Sunny Hill dhe tani është bërë e ditur edhe data se kur do të mbahet, shkruan arbresh.info.

Ngjarja e cila do të mbahet në Parkun e Gërmisë në kryqyetet dhe festivali do të zgjas tre ditë nga data 10 gusht deri me 12 , ndërsa çmimi i biletave do të fillojë nga ajo më e lira 35 euro duke vazhduar më pas me 55 euro dhe 75 euro. Këto bileta do të vlejnë për 3 ditë sa do të jetë festivali.

Dukagjin Lipa, babai i këngëtares Dua Lipa, tha se 25% e fondeve që do të mblidhen do të shkojnë për fondacionin “Sunny Hill Foundation”.

“Është kënaqësi me qenë këtu dhe të jap një lajm të tillë që ka qenë rrugë e gjatë derisa kemi arritë me i sjellë punët në këtë nivel për të pasur festival të tillë në Kosovë. Shpresoj që me festivalin dhe mundin që po e bëjmë do të kemi mundësi që të ngrisim imazhin e Kosovës dhe pasi jemi në kryeqytet, besoj që do kemi musafirë nga Evropa që do të vizitojnë Prishtinën dhe shpresoj që ata do të rrinë më shumë sesa festivali për të vizituar Kosovën”.

“Festivali do të ndodhë me datat 10,11,12 gusht, në hapësirat e Gërmisë dhe jo vetëm pjesa e koncertit që ka qenë me Duan para dy viteve, por do të jetë e tërë Germia dhe do të kemi në dispozicion 72 orë të gatshme”, tha Lipa.

Dukagjin Lipa bëri të ditur që natën e parë do të performojnë Dua Lipa, Stanaj, Grace Carter e të tjerë. Nata e dytë do të fillojë me Action Bronson, Cold Train dhe me këngëtarë lokalë, të cilët janë Ledri dhe Mc Kresha. Dhe nata e tretë do të ketë një DJ me famë botërore po që më 17 korrik do bëhet zyrtare për publikun dhe më pas SG Leëis dhe DJ Gamble nga Prishtina.

Përgatitje për koncertin madhështor kanë filluar ndërsa biletat pritet të dalin në shitje së shpejti./Arbresh.info/