Kancelari austriak Sebastian Kurz ka thënë se qeveria e tij e krahut të djathtë do të fokusohet në çështjen e emigrantëve në gjashtë muajt e ardhshëm të presidencës së Bashkimit Evropian.
Duke folur në një takim me Euro-Komisionerin Jean-Claude Juncker, Kurz tha se njëra nga prioritetet e tij do të jetë forcimi i kufijve të BE-së, transmeton portali arbresh.info.
“Ne kemi kontrolle kufitare sepse nuk kemi qenë në gjendje të menaxhojmë siç duhet migracionin, sepse ne nuk ishim në gjendje të parandalonim migrimin e paligjshëm, sepse nuk kemi mbrojtur kufijtë e jashtëm”, tha Kurz.
“Tani, gjatë presidencës sonë, ne do të bëjmë çmos për të forcuar Frontex (agjencinë kufitare të Bashkimit Evropian) dhe për të sjellë mbrojtjen e kufirit të jashtëm. Njerëzit presin që Bashkimi Evropian të mbrojë, të sigurojë siguri dhe të ofrojë rend dhe stabilitet”, shtoi ai.
Emigracioni është bërë një çështje e nxehtë për qeveritë populiste në të gjithë Evropën gjatë viteve të fundit, me kabinetin e ri të Italisë, duke bërë thirrje për kontrolle më të rrepta./Arbresh.info/
Del edhe një vullnetar për portën e Barcelonës, ish-gardiani...
Blinken: SHBA mbështet plotësisht `Paktin për të Ardhmen`
BE: Serbia të sjellë para drejtësisë autorët e sulmit në Ban...
Maqedonci dhe Gjeneral Jashari pritën në takim delegacionin ...
Yll Limani feston sot 30 vjetorin e lindjes
Konjufca: Afrim Bunjaku është shembulli më i vyer se si duhe...