Profesori Ismet Hamiti në tryezën e Lëvizës Vetëvendosje! me temë “Telekomi i Kosovës – gjendja, shkaqet, zgjidhja” ka thënë se në kompanitë e telekomunikacionit janë fitimprurëse në botë.

“Nuk di ndonjë kompani që ka falimentuar ndërsa telekomi i Kosovës nuk mund ti mbuloj as shpenzimet rrjedhëse. Është në këtë gjendje sepse të hyra e telekomit plaçkiten. Pra plaçkiten haptazi dhe sado që kemi rregullator e institucione nuk vepron askush. Përveç Z-mobile sot telekomit i plaçkiten 30% të të hyrave ku me këto fonde grupe të pazgjedhura ushtrojnë pushtet real në vend”, tha ai.

Sipas tij ky është krim dhe është brengoses, raporton Arbresh.info.

“Ky krim e ka edhe rrënimin e demokracisë dhe kushdo që është i përfshirë nuk e di çfarë kuptimi ka zgjedhur. Në telekomin e Kosovës janë bërë shumë keqpërdorime”, tha ai.

Hamiti tha se e keqja e këtij krimi është se urdhër vënësit janë edhe në pushtet edhe në parti.

“E rëndë ta për ta luftuar, këtë e zbatuan drejtuesit e PTK-së, drejtorët, bordi. Këtë skemë kriminale e mbrojti ministria, heshtën kryeministrat nuk vepruan prokuroria dhe drejtësia “, tha ai./arbresh.info/